YES, Word komið í lag, og hér er ein eldheit færsla, bara fyrir ykkur, dyggu aðdáendur mínir. Hér sit ég, nýkomin af Busakvöldi Verzló, sem var mikið gaman, mikið grín, og hef ekkert að gera þangað til RockStarupernova hefst, nema kannski horfa á raunveruleikaþáttinn á netinu, en vildi fyrst koma þessari færslu inn. 

Ágúst segiði, hann kom og fór, án blogs frá mér. En það þýðir ekki að ég hafi setið á rassgatinu allan tímann, neinei. Þetta gerðist:

• Ég hætti í vinnunni! Fannst helst leiðinlegt að yfirgefa stelpurnar, en þær voru allar að hætta bráðum til að fara til útlanda (eða þá í útlöndum þegar ég hætti) þannig að..Ég hætti aðeins fyrr en áætlað var vegna þess að mér bauðst að fara í aðra veiðiferð, að þessu sinni í Norðurá. Og ekki sé ég eftir þeirri ferð, eitt stykki flugulax veiddist, minn fyrsti á flugu hvorki meira né minna. Þannig að afli sumarsins er samtals ein bleikja og einn lax, sem ég segi að sé bara ágætt, miðað við að ég fór bara í tvær ferðir í sumar. Úr því verður bætt næsta sumar.
  
• Svo átti ég afmæli, varð 18 ára hvorki meira né minna. Hef svosem ekki neitt meira að segja um það, þetta var ágætt, ekkert spes gert eða neitt þannig, bara þessi hefðbundni fjölskyldubrunch, sem var fínn.
• Svo tók við ein letivika, og svo var skólinn bara byrjaður aftur! Andstætt við seinasta sumar leið þetta ALLT of hratt, þökk sé rigningunni sem var í nánast allt sumar, og vinnunni endalausu. En með skólanum komu skemmtilegar fréttir, ég er sumsé að fara til FRAKKLANDS í 2 vikur með bekknum mínum frábæra, 5-A, í október. Þar munum við gista í 9 daga hjá frönskum krökkum í Grenoble og nágreni, sem koma svo til okkar í febrúar. Eftir þá 9 daga munum við eyða 3 dögum saman í PARÍS! Ég er svo spennt, þetta verður gaman, eitt stórt PARTEY!

Ég hef yfir engu að kvarta um skólann í ár, ég vildi að við yrðum ekki á 4. hæð lengur, og það rættist, erum á 3. hæð núna, sem er svo miklu þægilegra. Svo vildi ég að okkur yrði hlíft við ákveðnum kennara sem ég læt vera að nafngreina hér *hóst*bloggaðinokkrumsinnumumþennankennaraífyrra*hóst* (reynið að lesa þetta eins hratt og þið getið) og í staðinn kom kennari sem er SNILLINGUR í alla staði. Þannig að ég er one happy person.

Eða ekki alveg rosalega mikið, því Mummi og Ása eru farin aftur til Köben Sakna þeirra mjög strax, það er svo skrítið að hafa ekki stóra bróður heima lengur aftur..og svo flytja þau bara eitthvert annað þegar þau koma heim í vor, þannig að hann flytur officially út Sést það vel að ég þoli ekki svona stórar breytingar?

OK, sumar breytingar er ég MJÖG sátt með reyndar, eins og t.d. íbúðina mína nýju æðislegu sem er í fullum gangi að “byggja” eða gera klára, whatever. Úff, hlakka svo til! Um leið og ég er komin með nokkuð pottþétta dagsetningu á verklok mun ég byrja ða telja niður. 

That’s all folks!

P.S. Prison Break er byrjað aftur!

Einmitt gott fólk, ég hef ákveðið að skella inn einni eiturhressi fræslu handa ykkur. Ég er ekkert að standa mig í þessu bloggi frekar en fyrri daginn, málið er bara að ég hef ekki, eða ok, gef mér aldrei tíma til að blogga. Núna hugsa öruglega einhverjir: Þú segist ekki hafa tíma, en ert samt að blogga kl. Rúmlega 3 um nóttina. Einfallt mál, núna er komin dásamleg HELGI. 10 dagar eftir í vinnunni, en ef veðrið heldur áfram á þessari stefnu gæti ég staldrað við 2 daga í viðbót, líklegast ekki samt, but you never know.

Lífið mitt í sumar hefur ekki verið áhugavert, frekar en fyrri daginn. Hvað hef ég verið að gera? Vinna. Og loksins þegar það gerist eitthvað meira hef ég ekki tíma til að blogga um það, það er svo mikið að gera. En hérna eru atburðir seinasta hálfa mánuðsins í hnotskurn:

• Ég fór að veiða með Mumma, Baldvin og afa 9.-11. júlí, í silungasvæði Miðfjarðarár. En áður en lagt var af stað þangað verð ég að nefna að ég fór til Evu í afmælisbrunch. Við gæddum okkur á dýrindis bakarísfæði úr Korninu, þar sem Eva vinnur einmitt. Fínt að slappa aðeins af þar áður en skundað var af stað í veiðina. Ferðin var fínasta skemmtun, stoppuðum á Laugabakka til að horfa á úrslitaleik HM. Þar var saman kominn ágætur hópur af fólki, þeirra á meðal ítalskir ferðamenn, sem höfðu verið að veiða, en ákváðu að fara þangað og horfa á leikinn, ekki oft sem Ítalía keppir um (og vinnur) heimsmeistarakeppnina. Það var mjög gaman að fylgjast með þeim fagna þegar Ítalía skoraði, en þegar Zidane skoraði úr vítinu skömmu áður lét ég mér nægja að fagna hljóðlega, flestir þarna virtust vera á bandi Ítalíu, nema ég og Baldvin, sem kom inn í leikinn síðar. Svosem ágætis leikur, ég hélt með Frökkunum eins og áður sagði, allt þangað til 10 mínútum fyrir lok leiksins, þegar Zidane skallaði Materazzi í bringuna. Sama hvað maðurinn sagði, þá hlítur það að enda knattspyrnuferilinn sem hetja Frakka, mögulega heimsmeistari og að vera tekinn í tölu goðsagna knattspyrnuheimsins að slá því við að vera rekinn út af með rautt spjald fyrir eitthvað svona. Nenni ekki að eyða meira púðri í þetta atvik.

Svo var skundað af stað, komum í húsið, sem er ekkert annað en kofi, ég hafði verið að búast við einhverju aðeins betra. Næstu tvo morgna var sko vaknað snemma, seinni daginn var ég svo örmagna að ég tók mér léttan blund í aftursætinu frá 7-10, ég var alveg hundónýt af svefnleysi. Veiddi þó eina bleikju, sem er gott og gaman.

• Næsti viðburður var á laugardaginn, þegar farið var upp í Hvalfjörðinn okkar góða, í brúðkaup Lofts Bjarna og Guðbjargar. Veðrið var ekki alveg það besta, en maður tók því nú, fötin höfðu verið keypt með sólskynsveður í huga, annað kom ekki til greina, miður júlí, það á ekki að rigna svona mikið á einu sumri. Þar var mikið hlegið, og allir skemmtu sér mjög vel.
• Það hefur heldurbetur ræst úr veðrinu, ég hef verið seinustu tvo daga í vinnunni, ásamt hópum þeirra Eydísar og Ingibjargar, úti í Viðey, að raka saman grasi og henda svo hrúunum aftan á vagn dreginn af traktor, með heyhvíslum. Tíminn hefur svoleiðis flogið hjá í þessu dásamlega veðri, og þegar heim var komið fór mín beint aftur í sólbað. Afraksturinn er falleg brúnka, en þó nokkrir rauðir blettir inn á milli.

Ég verð að láta þetta duga í bili, vonandi svalar þetta blogþörfinni hjá ykkur, kæru lesendur.

-Kv. María sólbrúna.

Einmitt, dagurinn í dag var fín, þrátt fyrir lélegt veður, þakka ég stelpunum fyrir alveg hreint frábærar umræður þar sem við sátum í arfanum og nenntum þessu svo ekki. Svo var Axel yfirmaður (þessi óþolandi sem ég talaði um hér að neðan) veikur, þannig að auðvitað var tækifærið notað og farið aðeins fyrr heim (uss..don't tell anyone )

En já, við létum tíman líða eftir seinna kaffi með því að fylgjast með Heiðu fá start frá Davíð sínum, en bíllinn hafði gefist upp og orðið rafmagnslaus fyrir kaffi. Rosa skemmtun það. Svo fór hér um bil heill klukkutími í það að rökræða hvort annað orð yfir viðarbút (sp-ta) væri skrifað með í eða ý (fengum ekki niðurstöðu í það mál fyrr en heim var komið) Hvað segið þið, örfáu sálir sem lesa þessa síðu, hvernig er svo þetta orð skrifað? Bannað að svindla, það má ekki einu sinni skrifa orðið niður til að athuga, endilega skrifa í komment.

Ég sjálf var gallhörð á fyrra möguleikanum lengst af, en stelpurnar náðu að láta mig efast um þetta, sem er erfiðara en það virðist. Hringt var í foreldra og kærasta, og komu svörin nokkuð jafnt út á báða bóga. Eftir þessar mjög svo hressilegu umræður snérist umræðan að..hvað var það aftur, voru það ekki bara bílar? Ég man það ekki, eitthvað álíka áhugavert og fyrri umræða. Alltaf rosa fjör í arfanum...

Læt þetta duga í bili, endilega láta heyra í sér

-Maria

Hvaða kvart er þetta, Baldvin? Núna er það vinnan sem tekur allan minn tíma..7:30-17:00..algert morð, sérstaklega í þessu veðri sem hefur verið síðan ég byrjaði.(í rauninni alveg síðan vinkonur mínar byrjuðu, nokkrum vikum á undan mér) Svo er yfirmaðurinn algjört fífl, fyrst styttir hann kaffitímann okkar, en segir samt að við séum duglegur hópur (ekki alveg samræmi á milli þess að hrósa okkur, en í raun refsa okkur fyrir það) og svo lætur hann okkur þrífa húsið sem við borðum nestið okkar í, sem væri í lagi ef það hefði staðið einhversstaðar í þessum blessaða ráðningarsamningi sem hann er með gjörsamlega á heilanum, en að láta fólk sem notar ekki einu sinni húsið sem nestisstað þrífa það, það er einum of..

En ég ætlaði ekki að blogga um það hvað yfirmaðurinn er mikill asni..en þetta próf vill ekki sjást..

Tvöfallt !”#$%&/(%&/&/)(/&#$%&/. Núna er ég POTTÞÉTT hætt á þessu blog.central, dropinn sem fyllti mælinn er að ég var komin með þetta rosalega blogg, en auðvitað var ég búin að vera of lengi að skrifa það, svo það klikkaði! Ætla að reyna að skrifa þetta aftur..

Ég ætla að fylgja ákveðni tísku sem ég hef tekið eftir í blogginu hjá Boða, Steinari og Sigga bekkjarbræðrum mínum, og tala örlítið um stjórnmál. Þetta verður þó ekkert merkilegt. Þegar ég var að setja inn niðurstöðurnar úr þessu prófi sem ég tók í gær sé ég eina auglýsinguna sem birtist hérna fyrir ofan, kosningarauglýsing Hjálmars Þ. Hannessonar. Ég veit ekki hvort það var vegna þess að klukkan var orðin 3 eða ekki, en ég skellti hressilega uppúr þegar ég sá þessa auglýsingu. Getur einhver útskýrt fyrir mér hvað maðurinn á við með þessum “stefnumálum“sínum? Nenni ekki að eyða tíma í að lesa mér til um það..

1. Hann vill vinna þessar kosningar. Allir sem eru í framboði vilja auðvitað vinna, ekkert “newsflash” þar.

2. Hefur þú kynnt þér stefnumál Hjálmars? Sjá hér að ofan svaið við því.

3. Ísbúð sem snýst? What the heck er allt sem ég get sagt við þessu.

4. Bílastæði og álver, ekkert hægt að setja út á það, tvö kosningarmál sem vert er að hafa skoðun á. En að FÆRA KRINGLUNA? Ég DRAPST úr hlátri þegar ég las þetta. Getur einhver útskýrt fyrir mér AF HVERJU hann vill færa Kringluna? Allavegana set ég stórt NEI við það!

Svo er það Eurovision. Jei Finland! Þetta var fínt kvöld, fyrir utan það þegar Boði var alltaf að öskra “We are the winners!” (Litháenska lagið..ömurlegt) Fór í þetta stórskemmtilega grill til Hákons ásamt mörgum úr bekknum. Að ógleymdu snilldarkvöldi í Grindavík heima hjá Óskari kvöldið áður, pottur og læti. En það var ekki ástæðan fyrir því að ég ætla að skrifa smá um Eurovison, heldur er það svo í pottinn búið að núna get ég ekki losnað við lögin úr hausnum. Það ætti að banna fólki að geta nálgast þessi lög eftir keppnina, ég er löngu búin að fá ógeð á þeim, en samt vil ég ekki slökkva. Þessi lög fara EKKI á ipodinn minn, það er nokkuð víst...